Kam kaluar vitet e fundit duke punuar si Shkencëtare e Ushqyerjes në Londër, ku kam mbështetur mbi 500 individë dhe kam analizuar mbi 100 biomarkatorë për secilin rast – përfshirë analizat e gjakut, panelet hormonale, testet metabolike dhe përbërjen trupore.

Nga kjo përvojë kam mësuar se askush nuk është njësoj. Edhe pse ndajnë ngjashmëri fiziologjike, faktorët që ndikojnë në shëndetin tonë – nga biologjia te mënyra e jetesës dhe bindjet personale – janë thellësisht individualë.

Për këtë arsye unë kombinoj ushqyerjen klinike me shkencën e neuroshkencës dhe psikologjisë, duke ndërtuar plane që mbështesin jo vetëm trupin, por edhe mendjen dhe emocionet. Sepse shërimi i vërtetë nuk vjen nga këshilla të përgjithshme – por nga saktësia, personalizimi dhe kuptimi i kontekstit.

Shumë shpesh, të dhëna thelbësore anashkalohen. Misioni im është të heq hamendësimet dhe të të udhëheq me qartësi – duke përdorur si të dhënat objektive, ashtu edhe dëgjimin e thellë, për të krijuar protokolle që funksionojnë për ty.

​

Pse nuk ndihesh mirë, edhe kur analizat janë “në normë”?

​

Ke vështirësi të zgjohesh në mëngjes, edhe pas një gjumi të plotë?
Ndihesh i lodhur, i turbullt, i fryrë, dhe megjithatë, analizat e gjakut thonë se “çdo gjë duket normale”?

Kjo ndodh sepse “normale” nuk do të thotë optimale.

Shumica e kufijve referues në analizat mjekësore janë krijuar për të zbuluar sëmundje – jo disbalanca funksionale. Në sistemin shëndetësor tradicional, nëse nuk bie në “zonën e kuqe”, nuk konsiderohesh prioritet për trajtim. Dhe kjo nuk ndodh sepse mjekët nuk kujdesen – por sepse sistemi është ndërtuar mbi protokolle për trajtim, jo parandalim.

Por ti nuk duhet të presësh derisa gjërat të përkeqësohen për të marrë ndihmë.

​

Filozofia ime e Shërimit

​

Unë përdor ushqimin, zakonet e jetesës dhe teknika të përditshme – nga stërvitja, gjumi, tek qasjet për menaxhimin emocional – si mjete për të udhëhequr trupin tënd drejt balancës.

Plani yt i shëndetit ndërtohet mbi biologjinë e trupit tënd, mënyrën e jetesës dhe kapacitetin për të përthithur ndryshime. Nuk ka të bëjë me perfeksionin, por me saktësinë dhe përshtatjen.

Dhe mos u shqetëso nëse nuk ke ndonjë gjendje specifike shëndetësore.
Nëse je këtu për të përmirësuar marrëdhënien me ushqimin, imazhin për trupin ose thjesht për t’u lidhur sërish me veten, ka vend edhe për ty.

Në këto raste, ne fillojmë me butësi – me vetëdije, besim dhe siguri.
Nuk do të të mbingarkoj me informacione por do fillojmë me ty.